Um klukkan sjö að kvöldi 12 sept.2008 fór fólk sem boðað hafði verið á stofnfund rækunarfélags um stóðhestinn Klæng IS2001184159 að koma að Skálakoti undir Eyjafjöllum.  Þangað hafði verið komið nokkrum hryssum með folöldum undan klárnum sem og Klæng sjálfum, fólk labbaði um reiðhöllina og skoðaði tryppin, lagði síðan Vignir Siggeirsson á hestin og sýndi. Um hálf átta var síðan kvöldmatur sem Lovísa í Hemlu og Rakel á Fornusöndum sáu um með stakri príði.

Var síðan gengið til fundar. Bauð Guðmundur Viðarsson fólk velkomið og lýsti í fáum orðum aðdragandanum að stofnun félagsskaparins sem og las upp hluthafaskrá,en hún telur 60 hluti. Þakkaði hann fólki fyrir hve auðvelt það hafi verið að selja klárinn og gat þess að það væru þrír á biðlista ef einhverjir hættu við. Dreifði Guðmundur síðan tillögu af samþykktum félagsins og lýsti og gaf síðan orðið laust. Varð töluverð umræð um samþykktirnar og þeim lítilega breitt en þær síðan samþykktar samhljóða.

Guðmundur stakk uppá Ársæli Hafsteinssyni Forsæti, Magnúsi Benediktssyni Fornusöndum og sjálfum sér í stjórn og voru þeir kjórnir með lófaklappi sem og varastjórn en hana skipa Jón í Miðhjáleigu, Hermann Árnason Hvolsvelli og Lovísa í Hemlu.

Skoðunarmaður reikninga var kosinn Þröstur Ólafsson Sperðli en til vara Sveinbjörn Sveinbjörnsson Kópavogi.

Var þá komið að liðnum önnur mál vakti Guðmundur atygli á því að einn hluthafa Sigrún Edda væri nú þegar búinn að gera heimasíðu Klængs á slóðinni http://www.123.is/klaengur og þakkaði Sigrúnu framtakið sem og Magnúsi Benediktssyni fyrir gerð eigendabréfa sem afhent voru fyrr á fundinum. Var síðan ýmislegt skrafað fram eftir kvöldi en fundi var slitið um kl. 10.

Skrifað eftir minni að morgni 13 sept.